طرق منع الحمل

السلام عليكم ورحمة الله وبركاته

الموضوع الاصلي موجود في موقع صيدلي المستقبل للعضوه :- الشيماء مشرفة الصيدله الطبيعيه بصيدلي المستقبل

طرق منع الحمل

1- الطريقه الطبيعيه:-
يعني تجنب الجماع أثناء فترة التبويض او ما يعرف بالخصوبه

ما هي فترة التبويض :-

 -فترة التبويض بتحصل في قت محدد وهو 14 يوم قبل الدوره الشهريه  يعني لو هي كل 28 يوم يبقي بعد 14 يوم من أول يوم ولو كل 26 يوم يبقي بعد 12 يوم

- البويضة بتفضل صالحة للتلقيح لمدة 3 أيام

- والحيوان المنوي صالح لمدة 48 ساعة يعني نحسب 3 أيام قبل أول يوم في التبويض و3 أيام بعدها تبقي الفترة حوالي 6 أيام
- في بعض النساء درجة الحراره تزيد من 37 الى 37.4 اثناء فترة التبويض
 -بعض النساء بتحس بألم في فترة التبويض لدرجة توصل لإشتباه زايدة
مميزات فترة التبويض:-
- من غير فلوس       

- آمن جدا وملوش اعراض جانبيه

- سنة الرسول صل الله عليه وسلم في تنظيم النسل

العيوب:-
نسبة الفشل 60% نتيجة الخطأ في حساب فترة التبويض

2- استعمال الهرمونات:-

الادويه هنا اما انها بتستعمل البروجستيرون بس او بتستعمل بروجستيرون واستروجين مع بعض ودي بتبقى نجاحها 100%

- الادويه اللي بتستعمل بروجستيرون فقط زي  microlut  ودي ميعادها ثابت كل يوم مهما كانت الظروف قبل الجماع بحوالي 3 ساعات
والأهم انها مبتأثرش علي الرضاعة  

اثاره الجانبيه
- أعراض الحمل زي صداع دوخة غثيان
- تأخير الحمل يعني ممكن بعد ما توقف استعمالها يتأخر الحمل لمدة سنة وده بيسبب قلق لكتير من الناس

- الادويه اللي بتستعمل بروجستيرون واستروجين زي  cyclopregnova ,gynera,cilest,microcept  ودي ممكن نستعملها كمان في تنظيم الدوره الشهريه واقلل الالم الناتج عنها وكمان ممكن نستعملها في تأخير الدوره الشهريه للستات اللي رايحه الحج وده بيعتمد على الجرعه زي ما هنقول دلوقتي
طريقة الاستخدام :- بتتاخد لمدة 3 أسابيع "21 يوم" ونوقفها أسبوع علشان الدوره تنزل ونكمل تاني بعد انتهاء الدوره لكن لو عايزين نمنع او نأخر الدوره نكمل الاستخدام علي طول من غير توقف
في حالة نسيان اخذ القرص اليومي:- خدي قرصين تاني يوم
في حالة نسيان قرصين لمدة يومين:- خدي قرصين لمدة يومين
في حالة نسيان ثلاث اقراص لمدة 3 ايام:- نوقف الاقراص فهيحصل نزيف لاحظ ان  دا مش الدوره الشهريه تستني الدوره تبتدي وبعد كدا نستعمل الدوا تاني

الاعراض الجانبيه :- صداع ودوخة

خلي بالك ممنوع استعمال الدواء في الحالات الاتيه :-
- الشك في وجود حمل
- في حالة امراض القلب والاوعيه الدمويه بسبب تكوينها للجلطات اللي ممكن تأثر بشده في

  الامراض دي
- في حالة امراض الكبد والمراره لانها ممكن تعمل اورام في الكبد وبالتالي الناس اللي عندهم

  ورم في الكبد ممنوع استعمال الادويه دي

-   لاحظ ان في حالة مرضى السكر ممكن تستعمل الدواء لمدة شهرين فقط

-   في حالة الدوالي برده خلي بالك لان في احتمال تكوين الجلطات

- من المعروف ان الهرمونات دي ممكن تعمل سرطان الثدي فخل بالك من الناس اللي اهلهم كان عندهم سرطان ثدي

3- طريقة استعمال الواقي
الغرض منها منع التقاء الحيوان المنوي والبويضه
- استعمال كريمات ومراهم قاتله للحيوانات المنويه
- شيء يسمى ب  vaginal diaphragm
- الواقي الذكري ويعتبر ارخص واشهر هذه الطرق

مميزات هذه الطريقه :-
- منع انتقال الامراض الجنسيه وسرطان الرحم

-خلي بالك ان في حالة انقطاع الواقي ودخول الحيوانات المنويه الرحم لازم يحصل شفط سريع او انك تستخدم اللولب بسرعه وكمان ممكن نستعمل الهرمونات بجرعه عاليه زي Premarin اقراص والاستعمال هيبقى قرص كل 6 ساعات لمدة يومين ونوقف الاستعمال فجأه فتقع بطانة الرحم وكمان ممكن نستعمل اقراص Postinor قرص كل 12 ساعه فيعمل نزيف وكمان ممكن نستعمل Contraplan وبتتاخد جرعه واحده

4- استعمال اللولب

هو بيشتغل بطريقتين

- اما انه يعمل التهاب في جدار المهبل ويعمل اجهاض وده حرام

- او نظرا لاحتوائه على النحاس اللي بيخلي الوسط غير ملائم للاخصاب ودا يعتبر حلال

 والله اعلم
كيفية التركيب:-
 - بعد الولادة ب40 يوم
- بعد الدوره الشهريه بيوم
أهم ميزة إنه بمجرد ما تشيليه ممكن تبقي حامل
اثاره الجانبيه :-
- النزيف وفي الحاله دي نستعمل دافلون او روتا سي

- الحمل خارج الرحم ودي حاجه مش كويسه يعني لو واحده جت ليك وقالتلك انها حاسه انها

  حامل رغم انها مركبه لولب يبقى لازم تروح للدكتور فورا لان الحمل ممكن بيقى بره

  الرحم
- ممكن العدوى تحصل وفي الحاله دي نستعمل فلاجيل

5- قطع قناة فالوب او ازالة الرحم

وفي الحاله دي لو عاوزه يحل حمل تاني فهيبقى عن طريق اطفال الانابيب

وبكده نكون خلصنا طرق منع الحمل الموضوع الاساسي موجود في موقع صيدلي المستقبل للعضوه :- الشيماء مشرفة الصيدله الطبيعيه بصيدلي المستقبل