الجمعة، 22 يوليو 2011

تحليل البول


السلام عليكم ورحمة الله وبركاته

تحليل البول "Urine analysis"

في تحليل البول انت لازم تاخد بالك من اربع حاجات مهمه جدا
1- اللون "color"
- المفروض ان لون البول الطبيعي اصفر او بني مصفر وممكن اللون يتغير لو المريض بيستخدم دوا معين بيغير لون البول اما لو اللون احمر ومفيش ادويه بتستخدم ففي الحاله دي اما ان المريض عنده التهاب في مجرى البول او حصوات او مصاب بالبلهارسيا

2- المظهر او Aspect
 - الطبيعي ان المظهر بتاعه يكون clear اما لو turbid فده يدل على وجود البروتينات في البول وده يدل على خلل في وظائف الكلى وفي الحاله دي المفروض انك توجه المريض للدكتور علشان يبقى التشخيص صح 100% لان ممكن العيب ميكونش من الكليه ويكون مرض تاني مؤثر على وظائف الكلى

3- الصديد او pus cells
 - وده بيدل على وجود عدوى في الجسم والعلاج بيبقى على حسب الكميه يعني
 ● من 0-5 ده بيبقى طبيعي مش بندي دوا ..
 ● لو من 5-20 ده يبقى لازم ندي علاج كالآتي
 Uvamine retard or macrofuran
كبسوله مرتين يوميا لمدة خمس ايام " ده عباره عن مطهر لمجرى البول "
 Septrin D.S
كبسوله مرتين يوميا لمده خمس ايام " وده عباره عن مضادي حيوي بس خلي بالك ان الدوا ده يحتوي على السلفر "
 Urinex cap
كبسوله ثلاث مرات قبل الاكل " وده عباره عن دواء مساعد للمغص الكلوي والالتهابت مجرى البول "
● لو من 20 وانت طالع المفروض انك تقول للمريض يعمل مزرعه علشان تحدد المضاد الحيوي المناسب .. لكن احيانا المريض بيرفض انه يعمل مزرعه وفي الحاله دي هتدي له
  Uvamine retard
Epinor 400  or  Noracin 400  or Norpactin 400
قرص مرتين يوميا لمدة 5 ايام " وده مضاد حيوي اثبت فاعليته في علاج معظم البكتيريا دي "
Urinex cap

4- الاملاح
الاملاح هنا اما نها تكون
● املاح اليورات ودي علاجها  urosolvin or uraid or urivin وغيرها ولو الحاله زياده اوي هنزود كمان zyloric  ودي حلاوته انه كمان بيعمل وقايه بعد كده
● املاح الاوكسالات نتيجة زيادة الكالسيوم في الدم وفي الحاله دي هندي فوار Epimag or Citrocid or Zinomag  

◄ لو عجبك الموضوع متنقلوش وانشر المدونه علشان الكل يستفاد

هناك 4 تعليقات:

  1. موضوع شيق لأنة اختص بالعلاج ولكن للمزيد حول مراحل تحليل البول بالتفصيل نتمنى زيارتكم لمدونتى المتواضعة

    http://urineanalysis.blogspot.com/

    ردحذف
  2. جزاك الله خير الجزاء و شدك و وفقك الي مافيه الخير شرحك بسيط يفهمه العامة و ليس به تهويل أو ترهيب و أنا أستفدت لأني عندي احدي ه>ه الحالات و عبرت عنه بالتفصيل في ميزان حسناتك انشاء الله

    ردحذف
  3. السلام عليكم لضمان اكبر استفادة من الموقع الرجاء كتابة اسم الدواء بالاسم العلمي او على الاقل بجانب الاسم التجاري لكي يتسنى للصيادلة من خارج مصر الاستفادة من الموقع وشكرا جزيلآ

    ردحذف