السلام عليكم ورحمة الله وبركاته
التسنين
يعني ايه تسنين .. وايه الاسئله اللي عليه .. وهل تقدر تعمل حاجه للطفل علشان تخفف عنه الم التسنين ؟؟
كل الاسئله اللي هنتعرض ليها هنحاول نجاوب عليها كلها في موضوعنا النهارده ...
الاسنان بتبدأ تظهر عن الاطفال من سن 6 شهور وحتى سن سنه والحكايه دي بتختلف من طفل للتاني يعني ممكن يسنن من سن اقل او اكتر من كده .. والاسنان تبدأ في تكوينها والطفل ما زال في رحم الام لذلك من الضروري التغذيه السليمه والاهتمام بالكالسيوم اثناء الحمل
وفي معادله مشهوره لحساب عدد الاسنان وهي :- "السن بالشهور – 7"
ازاي اعرف ان الطفل ده بيسنن ؟؟
1- الطفل بيريل كتير " اللعاب كتير"
2- بيحب يعض اي حاجه
3- الام تيجي تقولك "الواد معدش بياكل ولا بينام زي الاول ومغلبني خالص وكل شويه يصحينا من النوم لغاية لما ابوه ساب البيت "
طيب انا كصيدلي دوري ايه في الموضوع ده ؟؟
هتطمن الام وتقول لها دي حاجه طبيعيه في الوقت ده وممكن ندي لها فيتامينات تساعد على التسنين لو لقينا الطفل ده ضعيف زي ...
- Calcium + Vit D + Vit B12 "these vitamins present in combination in drugs as Maxical, Vitacal,calcid B12 & others"
Dose :- Less than 2 years : 2.5 ml daily
2-6 years: 5 ml daily
خلي بالك :- لا توصف الكالسيوم منفردا في السن ده من غير لما تعمل تحليل تعرف فيه نسبة الكالسيوم فإبتعد عن ادوية الكالسيوم زي Hical syrup ولكن ممكن تدي كالسيوم مع ملتي فيتامين زي Alvital &Grandvit syrup ودي بنديها في حالة الضعف العام وفقدان الشهية
معلومات تهمك ..
- اولا :- التسنين وارتفاع درجة الحراره والاسهال ليس لهما علاقه ببعض ولكن يمكن ان يحدث ذلك اثناء التسنين نتيجة ان الطفل بيحب يعض اي حاجه وبالتالي ممكن تكون ملوثه ففي الحاله دي هتعمل ايه
- الوقايه :- عن طريق استعمل سكاتة الاطفال ويفضل وضعها في الثلاجه حتى تخفف من الالم الذي يشعر به الطفل نتيجة التسنين كما يجب الحفاظ على نظافتها دائما , تقول للأم تأكل طفلها عنب ساقع شويه او تفاح متقطع كويس لأن ده بيريح الطفل اوي
- العلاج :- استعمال كمادات لخف الحراره وتوضع الكمادات على رأس الطفل وايظا على الارجل "تعطي مفعول سريع" وايضا استعمال خافضات الحراره سواء لبوس او نقط ويجب اعطاء مضاد حيوي مناسب ويمكن اعطاء amoxicillin ولكن احذر من amoxicillin +clavulanic لانه بيعمل اسهال بصوره ملحوظه او يمكنك استعمال اي مضاد حيوي اخر مناسب للاطفال
- ثانيا :- عند استعمال اي مضاد حيوي يجب التوقف عن استعمال المكملات الغذائيه حتى ينتهي كورس المضاد الحيوي حيث يؤثر على عملية الامتصاص
- ثالثا :- الكالسيوم يؤثر على امتصاص الحديد وبالتالي يجب ان يكون هناك فرق بينهما لا يقل عن ساعتين "يعني تقول للام متشربيش الطفل لبن بعد دوا الانيميا واستني بعده بساعتين "
مصادرنا :-
د/ تامر عزت بصيدلي المستقبل
د/ محمد الشنواني " دكتور بشري "
بكدا نكون خلصنا التسنين ان شاء الله
ليست هناك تعليقات:
إرسال تعليق